काठमाडौं – पाँचौ संस्करणको नेपाल ग्रामिण चलचित्र महोत्सव वैशाख १५ देखि १७ गतेसम्म हुने भएको छ । 

यस संस्करणको महोत्सवका लागि आयोजक सर्लाही पुगेको छ । सर्लाहीमै पत्रकार सम्मेलन गरी महोत्सवबारे जानकारी दिइएको हो । 

पत्रकार सम्मेलनमा महोत्सव अध्यक्ष रघुनाथ सापकोटा र सार्लाहीको चन्द्रनगर गाउँपालिका अध्यक्ष राजकुमारलगायत उपस्थित थिए । 

‘हिमाल, पहाड, तराई, कोही छैन पराई’ भन्ने नारासहित हुँदै आएको यस महोत्सवमायसअघि विभिन्न ग्रामिण जिल्लामा हुँदै आएको थियो । 

पत्रकार सम्मेलनमा अध्यक्ष सापकोटाले ग्रामीण कथा र मधेशको संस्कृतिमा केन्द्रित फिल्मलाई प्रवर्द्धन गर्न यसपटक सर्लाही महोत्सव गर्न लागिएको बताए ।

गाउँपालिका अध्यक्ष राज कुमार महतोले यस्ता किसिमको महोत्सवले पर्यटन प्रवर्धन गर्नुको साथै स्थानीय ठाउँलाई देश विदेशमा चिनाउने सहयोग पुग्ने बताए ।

महोत्सवका लागि ग्रामीण कथावस्तुमा आधारित फिचर, सर्ट तथा विभिन्न भाषाका ५० भन्दा बढी फिल्मको आवेदन परेकोमा १७ वटा फिल्म चयन गरिएको आयोजकले बताएको छ । महोत्सवमा प्रदर्शन हुने फिल्म दर्शकले निःशुल्क हेर्न पाउनेछन् ।