काठमाडौं– इनड्राइभले नयाँ वर्ष २०८३ को अवसरमा ‘राइड मोर, विन मोर!’ क्याम्पेन ल्याएको छ । यस क्याम्पेनमार्फत प्रयोगकर्ताले इनड्राइभ एपमार्फत राइड बुक गर्दा आकर्षक पुरस्कार जित्ने अवसर पाउनेछन् ।

यो क्याम्पेन २०२६ अप्रिल १४ देखि मे ४ सम्म सञ्चालन हुनेछ । कम्पनीका अनुसरा क्याम्पेनका मुख्य विशेषतामा १ राइड = १ लक्की – ड्र टिकट पाउने छन् । 

मेगा गिभअवेमा सहभागी हुन : राइड सकिएपछि प्रयोगकर्ताले खल्ती एपमार्फत प्रयोगकर्ता खल्तीबाट ड्राइभर खल्तीमा कम्तीमा २ वटा कारोबार गर्नुपर्ने कम्पनीले जनाएको छ ।

अन्य पुरस्कारहरू :

• १० वटा अनर एक्स ७ डि स्मार्टफोन (मेगा गिभअवे)

प्रोमो कोड पुरस्कार:

• १,००० जनालाई १५ प्रतित क्यासब्याक (अधिकतम ५० रुपैयाँमा)
• १,००० जनालाई २००रुपैयाँङ्गा क्यासब्याकसहित एयरलाइन प्रोमो कोड
• १०० जनालाई खल्ती प्रोमा अपग्रेड

इनड्राइभ नेपालकी कन्ट्री रेप्रेजेन्टेटिभ रीता पोखरेलले भनिन्,’हामी प्रयोगकर्तालाई आफ्नो चालक छान्ने स्वतन्त्रता र उचित भाडा तय गर्ने अवसर दिन्छौं । ‘राइड मोर, विन मोर’ क्याम्पेन मार्फत हामीले आफ्ना प्रयोगकर्ताप्रति धन्यवाद व्यक्त गर्न चाहेका छौँ र अझ धेरै मानिसलाई हाम्रो सेवाको अनुभव गराउन चाहन्छौँ । जति धेरै राइड गर्नुहुन्छ, उति धेरै जित्ने अवसर पाउनुहुन्छ ।’

खल्तीका चिफ ग्रोथ अफिसर सञ्जीव चन्द्र न्यौपानेले भने,’इनड्राइभसँग सहकार्य गर्न पाउँदा हामी खुसी छौँ । डिजिटल भुक्तानीलाई दैनिक यात्रासँग जोडेर हामी यात्रालाई अझ सहज र सुरक्षित बनाउँदै छौँ । यसले विशेषगरी चाडपर्वको समयमा प्रयोगकर्तालाई थप सुविधा दिनेछ ।’

यो क्याम्पेन नेपालभरिका सबै प्रयोगकर्ताका लागि खुला रहेको छ । सहभागी हुन क्याम्पेन अवधिभर इनड्राइभ एपमार्फत राइड बुक गरे पुग्छ । लक्की–ड्र हरेक हप्ता हुनेछ र विजेताहरू इनड्राइभका आधिकारिक फेसबुक, इन्स्टाग्राम र टिकटक पेजमार्फत सार्वजनिक गरिने कम्पनीले जनाएको छ ।