काठमाडौं– राष्ट्रिय स्वतन्त्र पार्टी (रास्वपा)ले विश्वमा अस्तित्वमा रहेका दुई सय बढी मुलुकमध्ये थोरैले मात्रै लागू गरेको अनलाइन मतदानको आश्वासन बाँडेको छ ।

सो पार्टीले आइतबार सार्वजनिक गरेको नागरिक करारमार्फत विदेशमा रहेका नेपालीलाई अनलाइन मताधिकारको व्यवस्था गर्ने घोषणा गरेको हो ।

विश्वका विकसित देशरूले समेत साइबर सुरक्षाका कारण लागू गर्न नसकेको अनलाइन मतदान प्रणालीलाई रास्वपाले भने मताधिकारका रूपमा स्थापित गर्ने विषय अगाडि सारेको छ ।

जुन विषय निकै संवेदनशील र नागरिकमाथिको भावनामा खेल्न खोजेको देखिएको हो । विश्वमा थोरै जनसंख्या भएको युरोपियन युनियनभित्रको एउटा मुलुक एस्टोनियाले मात्रै अनलाइन मतदान प्रणालीको कार्यान्वयन गर्ने गरेको छ ।

सो बाहेक विश्वका कुनै पनि विकसित राष्ट्रले समेत सो विषयलाई साइबर सुरक्षाको कारण देखाउँदै अपनाउन सकेका छैनन् ।