काठमाडौं – नायिका आना शर्मा स्टारर फिल्म ‘रमिताको पिरती’ भारतमा पनि रिलिज हुने भएको छ ।

निर्माण पक्षका अनुसार यो फिल्म भारतमा मार्चको दोस्रो साताबाट रिलिज हुने भएको छ ।

इन्फिनिटी इभेन्ट एन्ड इन्टरटेनमेन्टले भारत रिलिजको जिम्मा लिएको निर्माण पक्षले जानकारी दिएको छ ।

लभस्टोरी जनराको यस फिल्म नेपालमा माघ २३ देखि प्रदर्शनमा आएको छ । सकारात्क प्रतिक्रिया पाए पनि यो फिल्मको व्यापार कमजोर छ ।

चलचित्र विकास बोर्डका अनुसार फागुन २ सम्म यसले १९ लाख ४३ हजारमात्रै ग्रस कलेक्सन गरेको छ ।

इन्फिनिटीका प्रतिनिधिले भने,‘ रमिताको पिरतीले आजको युवाको प्रेमलाई दुरुस्त देखाएको छ जुन भारतका दर्शकले पनि रिलेट गर्न सक्छन् । राम्रो फिल्म धेरैभन्दा धेरै दर्शकसम्म पुग्न पनि जरुरी छ । हामी यो फिल्मलाई धेरै दर्शकसम्म पुर्याउँछौँ ।’

भारतका कुन सहरमा यो फिल्म प्रदर्शन गर्नेबारे तय भइनसकेको निर्माण पक्षले जनाएको छ ।

सुदिप्ताको डेब्यू निर्देशनमा बनेको यो फिल्ममा नायकहरु समीर श्रेष्ठ, धिरज मगर र विनय श्रेष्ठ हुन् ।