काठमाडौं – नायक पल शाह स्टारर फिल्म ‘आबाट आमा’को व्यापार ८ करोड ३१ लाख पुगको छ ।

चलचित्र विकास बोर्डले साप्ताहित ब्रिफिङबाट सोमबार दिएको जानकारीअनुसार माघ १६ देखि फागुन २ गतेसम्म यो फिल्मले उक्त व्यापार गरेको हो ।

यो फिल्मका लागि तीन लाख १० हजारभन्दा बढी टिकट खरिद-बिक्री भएको बोर्डले जनाएको छ ।

पारिवारिक कथामा बनेको यो फिल्मका नायिकाहरु उषा उप्रेती र सिम्रन पन्त हुन् ।

यो पनि : पल शाहको करिअरकै हिट फिल्म बन्यो ‘आबाट आमा’

त्यस्तै, माघ २३ बाट प्रदर्शनमा आएका प्रदर्शनमा आएका दुई लभस्टोरी फिल्म ‘कुमारी’ र ‘रमिताको पिरती’ हेर्न दर्शकहरु कम संख्यामा हलमा पुगेको देखिन्छ ।

‘कुमारी’भन्दा ‘रमिताको पिरती’ले दर्शकबाट कम साथ पाएको छ ।

बोर्डका अनुसार दिनेश राउत निर्देशित ‘कुमारी’का लागि १७ हजार टिकट बिक्री भएको छ । फागुन २ गतेसम्म यो फिल्मको ग्रस कलेक्सन ५६ लाख मात्रै पुगेको छ ।

सुदिप्ता निर्देशित ‘रमिताको पिरती’को ग्रस कलेक्सन १९ लाख ४३ हजार मात्रै छ । यो फिल्म हेर्न ५ हजार ९३६ वटा टिकट बिक्री भएको छ ।