काठमाडौं – भेनेजुएलाकी नोबेल शान्ति पुरस्कार विजेता कोरिना मचाडोले आफूले पाएको पदक अमेरिकी राष्ट्रपति डोनाल्ड ट्रम्पलाई दिएकी छन् ।

अमेरिकी राष्ट्रपति कार्यालय ह्वाइट हाउसमा बिहीबार ट्रम्पसँग भेट गर्दै उनले आफूले पाएको नोबेल शान्ति पुरस्कारको पदक ट्रम्पलाई दिएकी हुन् ।

ट्रम्पसँगको भेटपछि उनले अन्तर्राष्ट्रिय मिडियासँग भनेकी छन्, ‘मैले अमेरिकी राष्ट्रपतिलाई नोबेल शान्ति पुरस्कारको मेडल दिएँ ।’

अमेरिकाले सैन्य हमला गर्दै भेनेजुएलाका राष्ट्रपति निकोलस मादुरालाई नियन्त्रणमा लिएर अमेरिका पुर्‍याएपछि विपक्षी नेत्रीले गरेको यो कदमले अन्तर्राष्ट्रिय मिडियामा चर्चा पाएको छ।

उनले भने आफ्नो पदक भेनेजुएलाको स्वतन्त्रताप्रति ट्रम्पको अनौठो प्रतिबद्धताको सम्मानका रूपमा प्रदान गरेको बताएकी छन् ।