काठमाडौं – रवि लामिछाने संयोजक रहेको उच्चस्तरीय राजनीतिक संयन्त्रलाई निरन्तरता दिने निर्णय भएको छ।

आज बसेको सर्वदलीय बैठकले उच्चस्तरीय राजनीतिक संयन्त्रलाई कायम राख्ने निर्णय गरेको राष्ट्रिय स्वतन्त्र पार्टी (रास्वपा) का प्रवक्ता जगदीश खरेलले जानकारी दिए।

संयन्त्रमा संयोजक लामिछानेसहित विभिन्न दलका शीर्ष नेता तथा प्रतिनिधिहरू सदस्यका रूपमा रहेका छन्। नेपाली कांग्रेसबाट गगन थापा, नेपाली कम्युनिस्ट पार्टी (नेकपा) बाट पुष्पकमल दाहाल ‘प्रचण्ड’ र माधवकुमार नेपाल तथा नेकपा एमालेबाट दोस्रो तहका नेताहरू संयन्त्रमा सहभागी छन्।

हालसम्म भएका संयन्त्रका बैठकमा नेकपा एमालेका अध्यक्ष केपी शर्मा ओलीको प्रत्यक्ष सहभागिता देखिएको छैन। आजको सर्वदलीय बैठकमा भने एमालेकी नेतृ पद्मा अर्याल सहभागी भएकी थिइन्। 

 आजको बैठकमा नेपाल चिन सिमाना स्थित रसुवामा भएको वृहत क्षति र उद्धार राहतका विषयमा कुराकानी भएको थियो।