काठमाडौं – फिफा विश्वकप–२०२६ अन्तर्गत स्पेन र केप भर्डेबीचको पहिलो हाफ बराबरीमा सकिएको छ ।

अमेरिकाको एटलान्टास्थित प्रतिष्ठित एटलान्टा रंगशालामा भइरहेको खेलमा दुवै टोलीले आक्रामक सुरुवात गरे पनि पहिलो ४५ मिनेटमा गोलको खाता खोल्न सकेनन् ।

सन् २०१० को विश्व च्याम्पियन स्पेनले बलमा स्पष्ट पकड जमाउँदै केप भर्डे माथि निरन्तर दबाब सिर्जना गरिरहेको छ । पोजेसन र पासिङमा स्पेन हाबी देखिए पनि फिनिसिङ भने कमजोर बनेको छ ।

यता पहिलो पटक विश्वकप खेलिरहेको केप भर्डेले रक्षात्मक रणनीति अपनाउँदै स्पेनको आक्रमण रोक्न सफल भएको छ। विशेषगरी केप भर्डेका गोलकिपर भोजिन्हाले उत्कृष्ट सेभ गर्दै आफ्नो टोलीलाई खेलमा जीवित राखिरहेका छन्।

पहिलो हाफमा स्पेनको दबाब उच्च रहे पनि केप भर्डेको संगठित डिफेन्सका कारण खेल अझै रोमाञ्चक अवस्थामा पुगेको छ। दोस्रो हाफमा दुवै टोलीले नतिजा निकाल्ने अपेक्षा गरिएको छ।