काठमाडौं– मधेस प्रदेश सरकारले अब किसानलाई उत्पादन आधारित मात्रै अनुदान दिने भएको छ । प्रदेशका अर्थमन्त्री युवराज भट्टराईले आगामी आर्थिक वर्षको बजेट प्रस्तुत गर्दै सो बताएका हुन् ।
‘मधेश प्रदेशलाई दूध, माछा मासु र तरकारीमा आत्मनिर्भर बनाउन परम्परागत अनुदान प्रणालीलाई खारेज गरी उत्पादन र नतिजामा आधारित नगद अनुदान प्रणाली यसै आर्थिक वर्षबाट पूर्ण रूपमा लागू गरिने छ’, उनले भने ।
कृषकले उत्पादन गरी वस्तु बजारमा पठाएको आधारमा सिधै किसानको खातामा अनुदान उपलब्ध गराउने उनले बताए । साथै, उनले कृषि क्षेत्रमा बिचौलिया अन्त्यका लागि मधेश कृषि एक्सचेञ्ज निर्माण गरिने पनि बताए ।
प्रतिक्रिया