काठमाडौं– ललितपुर महानगरपालिकाले डिजिटल माध्यमबाट तत्कालै जरिवाना बुझाउन सक्ने गरी इ चलान प्रणालीको शुभारम्भ गरेको छ । 
 
महानगरभित्र जथाभाबी पार्किङ गर्ने, जथाभाबी फोहरमैला फाल्ने, बोटबिरुवाहरू भाँच्ने लगायतका काम गर्नेलाई कारबाही गर्दा तत्कालै जरिवाना बुझाउन सक्ने गरी इ चलान प्रणालीको शुभारम्भ गरेको हो ।

महानगरले वर्जित गरेका कामहरूको जरिवाना सहज रुपमा तत्कालै बुझाउन सक्ने गरी क्युआर कोड सहितको इ चलान प्रणाली लागू गरिएको ललितपुर महानगरका प्रमुख चिरीबाबु महर्जनले जानकारी दिए । महानगरलाई डिजिटल रुपमा सेवा मैत्री बनाउने उद्देश्यका साथै इ चलानको अवधारणालाई अघि सारिएको उनको भनाइ छ ।  

इ चलान सुरु भएसंगै अव जरिवाना बुझाउनका लागि महानगरको कार्यालय नै आउने अवस्थाको अन्त्य भएको महानगर प्रमुख महर्जनले बताए ।