पहिलो सन्तानलाई जन्म दिँदै सबिन र अनु

१ असार २०८३, सोमबार

पढ्न लाग्ने समय : < 1 मिनेट

काठमाडौँ – कलाकार दम्पति नायक सबिन श्रेष्ठ र नायिका अनु शाहको पहिलो सन्तानलाई जन्म दिने भएका छन् ।

नायक सबिनले अनुसँगको तस्बिर सेयर गर्दै आफू चाँडै आमा–बुवा बन्न लागेको जानकारी दिएका हुन् ।

उनीहरूको फोटोसहितको पोस्टरमा लेखिएको छ, ‘वि आर प्रेग्नेन्ट (हामी गर्भवती छौं) ।’

यो दाम्पत्य जीवनको अर्को चरणलाई सबिनले ‘हाम्रो जीवनकै सुन्दर उपहार’ भनेका छन् ।

गत अशोजमा उनीहरू विवाह बन्धनमा बाँधिएका थिए । लामो समयको प्रेम सम्बन्धलाई उनीहरूले विवाहमा परिणत गरेका हुन् ।

प्रकाशित मिति : १ असार २०८३, सोमबार ८ : ५७ बजे

प्रतिक्रिया