काठमाडौं – इन्डियन प्रिमियर लिग अन्तर्गत आज लखनउ सुपर जायन्ट्स र चेन्नई सुपर किंग्सबीच खेल जारी छ । लखनउ सुपर जायन्ट्सले टस जितेर पहिले बलिङ गर्ने निर्णय गरेको छ । खेल लखनउको इकाना स्टेडियममा भइरहेको छ ।

पहिले ब्याटिङ गरिरहेको चेन्नई सुपर किंग्सले ८ ओभरको समाप्तिमा ३ विकेट गुमाएर ६१ रन बनाएको छ । अहिले कार्तिक शर्मा र डेवाल्ड ब्रेभिस क्रिजमा छन् ।

चेन्नईका लागि उर्विल पटेल ६ रन, संजू सैमसन २० रन र कप्तान ऋतुराज गायकवाड १३ रन बनाएर आउट भएका छन् । सुरुवातमै तीन विकेट गुमेपछि चेन्नई दबाबमा परेको छ ।

चेन्नई सुपर किंग्सको प्लेइङ–११ मा ऋतुराज गायकवाड (कप्तान), संजू सैमसन (विकेटकिपर), उर्विल पटेल, कार्तिक शर्मा, डेवाल्ड ब्रेभिस, शिवम दुबे, प्रशान्त वीर, अंशुल कंबोज, स्पेन्सर जोनसन, नूर अहमद र मुकेश चौधरी रहेका छन् ।

त्यस्तै लखनउ सुपर जायन्ट्सको टोलीमा मिचेल मार्श, निकोलस पूरन, कप्तान ऋषभ पन्त (विकेटकिपर), एडन मार्क्रम, मुकुल चौधरी, अब्दुल समद, शाहबाज अहमद, मोहम्मद शमी, मयंक यादव, आकाश सिंह र प्रिन्स यादव रहेका छन् ।

इम्प्याक्ट विकल्पमा लखनउबाट जोश इङ्ग्लिस, मणिमारन सिद्धार्थ, दिग्वेश सिंह राठी, हिममत सिंह र आयुष बडोनी रहेका छन् । चेन्नईबाट गुरजपनीत सिंह, अकील हुसैन, सरफराज खान, मैथ्यू शर्ट र म्याट हेनरी रहेका छन् ।