काठमाडौं – राष्ट्रिय स्वतन्त्र पार्टी (रास्वपा) का सभापति रवि लामिछाने पुनः पार्टी सभापतिमा दोहोरिने सम्भावना प्रबल रहेको छ ।

सञ्चारकर्मीहरूसँग कुरा गर्दै रास्वपाका नेता कविन्द्र बुल्लाकोटीले पार्टी सभापतिमा रवि लामिछाने नै दोहोरिने विषयमा कुनै शंका नरहेको बताएका हुन्।

‘यसमा कुनै शंका छैन । रवि लामिछाने नै सभापति बन्नुहुने हो,’ उनले भने।

लामिछानेको विकल्प नभएको हो भन्ने सञ्चारकर्मीहरूको प्रश्नमा बुल्लाकोटीले पार्टीमा अन्य सक्षम नेताहरू पनि रहेको बताए।

‘विकल्प त नहुने होइन, पार्टीमा धेरै नेताहरू हुनुहुन्छ । नेताहरू को–को हुने भनेर हानाथाप गर्नेभन्दा पनि पार्टीलाई निकास दिने कुरा महत्वपूर्ण हो,’ उनले भने।

उनले अहिले पार्टीभित्र नेतृत्वभन्दा पनि संगठनलाई एकताबद्ध बनाउने र आगामी राजनीतिक दिशा तय गर्ने विषय प्राथमिकतामा रहेको उल्लेख गरे।