म्याड्रिड – उपाधि होडबाट बाहिरिसकेको रियल म्याड्रिडले स्पेनिस ला लिगामा बिहीबार रेलिगेसनमा परिसकेको रियल ओभिएडोमाथि २–० को सान्त्वना जित दर्ता गरेको छ । सान्टियागो बर्नाबाउमा भएको खेलमा गोन्जालो गार्सिया र जुड बेलिंघमले गोल गरे ।

घरेलु मैदानमा भएको प्रतिस्पर्धाको पहिलो हाफमा गार्सियाले गोल गर्दै रियललाई अग्रता दिलाएका थिए । दोस्रो हाफमा बेलिंघमले अर्को गोल थपेपछि टोलीको जित निश्चित भएको हो । अघिल्लो खेलमा बार्सिलोनासँग पराजित भएसँगै रियलको उपाधि रक्षा गर्ने अभियान समाप्त भएको थियो ।

यो जितपछि दोस्रो स्थानमा रहेको रियलको ३६ खेलबाट ८० अंक पुगेको छ । शीर्ष स्थानको बार्सिलोना ९१ अंकसहित च्याम्पियन बनिसकेको छ । लिगमा अब दुई चरणका खेल मात्र बाँकी छन् ।

पराजित ओभिएडो २९ अंकसहित तालिकाको पुछारमा छ र यसअघि नै रेलिगेसनमा परिसकेको छ ।