काठमाडौँ– सशस्त्र प्रहरी सहायक निरीक्षक निम दिकि शेर्पाले लोबुचे हिमालको सफल आरोहण गरेकी छिन् ।

उनले नयाँ वर्ष २०८३ सालको पहिलो दिन मंगलबार बिहान ८ बजेर ५७ मिनेटमा ६ हजार १ सय १९ मिटर अग्लो लोबुचेको सफलतापूवृक आरोहण गरेकी हुन् ।

हिमाल आरोहण गर्ने शेर्पा सशस्त्र प्रहरी बल नेपालको पहिलो महिला कर्मचारी हुन् । विश्वको सर्वोच्व शिखर सगरमाथा चढ्ने अभियानमा रहेकी शेर्पाले यही सिजनमा सगरमाथा र ल्होत्से हिमाल पनि चढ्ने छिन् ।

यस अघि उनलाई सशस्त्र प्रहरी बल प्रधान कार्यालयमा संगठनको झण्डा प्रदान गरेर बिदाइ गरिएको थियो ।

सशस्त्र प्रहरी बलबाट यसअघि सशस्त्र प्रहरी नायब उपरीक्षक सुरज पौडेल र सशस्त्र प्रहरी नायब निरिक्षक दन्त बहादुर छन्त्यालले सगरमाथा शिखर सफलतापूर्वक आरोहण गरिसकेका छन् ।