काठमाडौं- इरानको सर्वोच्च सुरक्षा परिषदका सचिव अली लारिजानीले ठूलो आतंककारी हमला गराएर इरानमाथि दोष थोपर्ने षड्यन्त्र भइरहेकोबारे आफूले जानकारी पाएको दाबी गरेका छन् ।

उनले इपस्टिन सञ्जालका बाँकी सदस्यहरुले सन् २००१ को सेप्टेम्बर ११ मा अमेरिकामा भएको आतंककारी हमलाजस्तै आतंककारी आक्रमण गरी त्यसको दोष इरानमाथि थोपर्ने षड्यन्त्र भइरहेकोबारे आफूले जानकारी पाएको दाबी गरेका हुन् ।

सामाजिक सञ्जालमा पोस्ट गर्दै उनले इरान यस्ता आतंककारी षड्यन्त्रको विपक्षमा रहेको भन्दै अमेरिकी जनताविरुद्ध कुनै युद्ध नगर्ने जनाएका छन् ।

‘मैले सुनेअनुसार एपस्टिन सञ्जालका बाँकी सदस्यहरुले सेप्टेम्बर ११ जस्तै घटना गराउने षड्यन्त्र रचिरहेका छन्’, सामाजिक सञ्जालमा लारिजानीले लेखेका छन्, ‘इरान यस्ता आतंककारी षड्यन्त्रको पूर्णतयाः विपक्षमा छ र अमेरिकी जनतासँग युद्ध चाहँदैन ।’