काठमाडौं – शिशु फर्टिलिटी क्लिनिक एन्ड आईभीएफले लायन्स क्लब अफ शिशु आईभीएफसँगको सहकार्यमा आर्थिक रूपमा कमजोर दम्पतीलाई आईभीएफ उपचारमा सहयोग पुर्‍याउने ‘शिशु होप फन्ड’ सुरु गरेको छ ।

आर्थिक समस्याका कारण सन्तानबाट वञ्चित दम्पतीका लागि यो फन्डको सुरुवात गरिएको बताइएको छ ।

क्लिनिकका संस्थापक सबिना बजगाईं र सुशीला क्षेत्रीका अनुसार निःसन्तान समाधान पहुँचयोग्य बनाउने उद्देश्यले यो फन्डको सुरुवात गरिएको हो ।

संस्थापक बजागाईंका अनुसार व्यक्ति, संस्था र समाजका विभिन्न पक्षबाट सहयोग संकलन गरी सन्तान चाहेका आवश्यक दम्पतीलाई सेवा प्रदान गरिनेछ ।

उनले भने, ‘सानो सहयोगले पनि कुनै घरमा पहिलो पटक बच्चाको आवाज गुन्जाउन सक्छ। यो पहल आर्थिक रूपमा कमजोर दम्पतीहरूको सपनालाई यथार्थमा बदल्ने प्रयास हो ।’