काठमाडौँ – इनिशा विकको बलात्कारपछि हत्या भएको घटनाको विरोधमा ‘नेपाल दलित मुक्ति मोर्चा’ले राजधानीमा प्रदर्शन गर्ने भएको छ । मोर्चाले घटनाको निष्पक्ष छानबिन गरी दोषीलाई कडा कारबाहीको माग गर्दै ‘विरोध तथा खबरदारी कार्यक्रम’ आयोजना गर्न लागेको हो ।
आइतबार दिउँसो काठमाडौँको माइतीघर मण्डलामा आयोजना गरिनेछ । इनिशाको न्यायका लागि दबाब दिने उद्देश्यले आयोजित उक्त कार्यक्रममा विभिन्न अधिकारकर्मी र सरोकारवालाहरूको सहभागिता रहने जनाइएको छ ।
दलित अधिकारका क्षेत्रमा क्रियाशील मोर्चाले यस घटनालाई गम्भीर रूपमा लिँदै दोषी उम्कन नपाऊन् भनी सरकारको ध्यानाकर्षण गराउन सडक प्रदर्शनको बाटो रोजेको बताएको छ ।
प्रतिक्रिया