काठमाडौं– झापा क्षेत्र नम्बर ५ मा राष्ट्रिय स्वतन्त्र पार्टी उम्मेदवार बालेन्द्र साह भोट फकाउनका लागि सबै उपाय लगाइरहेका छन् ।

श्रीमती सविना काफ्लेलाईसमेत मैदानमा उतारेका उनी पछिल्लो समय धार्मिक भोट फकाउने काममा जुटेका छन् ।

उनले नेपाल यात्राका क्रममा भेटेजति हिन्दु र किरातीका मठमन्दिरमा दर्शन गर्न भ्याए । अब उनै साहकी पत्नी किरा धर्मका मतदाताको मत फकाउन इलामको माङ्सेबुङ पुगेकी छन् ।

झापा ५ बाहिरको माङ्सेबुङमा उनी बालेनलाई जिताउने सबै उपायमा लागेकी छन् । मोरङमा जन्मिएका सबिना बालेनलाई जिताउन दमक ५ मा खटिरहेका बेला आइतबार इलामको माङसेबुङ गाउँपालिका पुगिन् ।

जहाँ उनी किरात धर्मगुरु साबाँ पवित्रहाङ्मा लिङ्देनको ७० औं शुभजन्मोत्सवमा सरिक भइन् ।

माङ्सेबुङमा उनले पहिचानवादी नेता डकेन्द्र थेगिमलाई पनि भेटिन् । डकेन्द्र उनै हुन् जो २०८० को उपनिर्वाचनमा धरानका तत्कालीन मेयर हर्क साम्पाङको समर्थनमा इलामा २ को उपनिर्वाचनमा उठेर दोस्रो भए ।

तर हर्कसँगको सम्बन्ध नजमेपछि उनी कुलमान घिसिङ नेतृत्वको उज्यालो नेपालतिर लागे । तर त्यहाँ पनि टिक्न नसकेका उनी अहिले राजनीतिक रुपमा स्वतन्त्र छन् ।

यस्तोमा उनी रास्वपामा प्रवेश गर्ने चर्चा छ । त उनले यसबारेमा कही बोलेका छैनन् । आइतबार उनैले सार्वजनिक गरेको फोटोमा बालेन पत्नी र उनी एकसथा देखिन्छन् ।

माङ्सेबुङमा सविना र डकेन्द्रसहित थुप्रै स्थानीय उम्मेदवारहरू पनि सहभागी भएका छन् । पवित्रा हाङ्माको जन्मदिनसँगै धर्मगुरू आत्मानन्द लिङ्देन पनि नुमाङ्गेन्ना सेवा समारोहमा सहभागी थिए ।

यो कार्यक्रम पश्चिम बंगाल दार्जीलिङका माननीय मन्त्री सतिश पोखरेल प्रमुख अतिथि रहेका छन् ।

स्रोतका अनुसार झापा ५ का उम्मेदवार बालेन्द्रलाई पनि निमन्त्रणा गरिएको थियो । तर उनी कारणवश उपस्थित हुन नसकेपछि श्रीमतीलाई पठाएका हुन् ।