काठमाडौं – आईसीसी विश्वकप अन्तर्गत वेस्ट इन्डिजविरुद्ध आइतबारको खेलमा ४६ रन बन्दा नेपालले ५ विकेट गुमाएको छ ।
१० ओभरको चौथो बलमा नेपालका ब्याटर लोकश बम पाँचौ विकेटका रुपमा आउट भएका हुन् । उनले १५ बलमा १३ रन जोड्न २ चौका प्रहार गरे ।
त्यसअघि चौथो विकेटका रुपमा आरिफ शेख आउट भएका हुन् । उनले ८ बलमा २ रन मात्रै प्रहार गरे ।
ओपनरद्वय कुशल भुर्तेलले १, आशिफ शेखले ११ र कप्तान रोहित पौडेलले ५ रन मात्रै जोडे ।
सुरुवाती क्रममा ब्याटरहरु नचल्दा नेपालको ब्याटिङ संकटमा परेको छ । अब नेपालको इनिङ उकास्ने जिम्मेदारी दीपेन्द्रसिंह ऐरी र गुल्सन झामा छ ।
मम्बईको वाङ्खडे रंगशालामा वेस्ट इन्डिजले टस जितेर पहिला बलिङ रोजेको हो ।
प्रतिक्रिया