एजेन्सी– गत हप्ता पाकिस्तानी जेलबाट रिहा भएका २२१ जना अफगान कैदीहरू सुरक्षित रूपमा अफगानिस्तानमा फर्केको अफगानिस्थानको शरणार्थी तथा स्वदेश फिर्ती मन्त्रालयले बिहीबार घोषणा गरेको छ ।

कानुन बमोजिम आवश्यक कागजातको अभावका कारण विभिन्न पाकिस्तानी जेलहरूमा बन्दी बनाएर राखिएका कैदीहरू रिहा भए सँगै दक्षिणी कान्दाहार प्रान्तको स्पिन बोल्डक सीमा पार गरेर अफगानिस्तानमा प्रवेश गरेको जनाइएको छ। 

मन्त्रालयका अनुसार उनीहरूले आवश्यक मानवीय सहयोग आफ्नो गृह प्रान्तमा पुग्नु अघि नै  सीमाबाट भित्रिने बित्तिकै प्राप्त गरेका छन् । 

गत वर्षको जुलाईमा अफगान विदेश मन्त्रालयले जारी गरेको तथ्यांक अनुसार दश हजार भन्दा बढी अफगान नागरिकहरू विदेशमा, बन्दी बनाइएका छन् भने ती मध्ये अधिकाशं अफगानहरूले छिमेकी इरान र पाकिस्तानमा कैद जीवन बिताई रहेको बताइएको छ ।