काठमाडौं– नेपाल टेलिकमको भ्यालु एडेड सर्भिसेस (भीएस) प्रणालीमार्फत मोबाइलमा आपत्तिजनक प्रकृतिका सन्देश प्रवाह भएपछि सम्बन्धित सेवा प्रदायकहरूलाई सचेत गराएको छ ।
टेलिकमका अनुसार जातीय, वर्गीय, धार्मिक, साम्प्रदायिक वा राजनीतिक सद्भावमा खलल पुर्याउने सन्देश नपठाउन स्पष्ट निर्देशन दिइएको छ । आगामी दिनमा सर्वसाधारणको मोबाइल नम्बरमा यस्ता सन्देश पठाए कारबाही गरिने सङ्केत टेलिकमले दिएको छ ।
टेलिकमले कुनै पनि सेवाग्राहीको व्यक्तिगत मोबाइल नम्बर वा अन्य विवरण तेस्रो पक्षलाई उपलब्ध नगराउने भन्दै ग्राहकको गोपनीयताप्रति आफू संवेदनशील रहेको जनाएको छ ।
प्रतिक्रिया