काठमाडौं – बङ्गलादेश प्रिमियर लिग (बीपीएल) अन्तर्गत नेपाली लेग स्पिन सन्दीप लामिछाने आवद्ध टिम राजशी वारियर्सले बिहीबार खेल्दैछ। बिहीबार साँझ ५:४५ बजे सुरु हुने खेलमा सन्दीपको टिम वारियर्सले सिल्हेट टाइटन्ससँग प्रतिस्पर्धा गर्नेछ।

सन्दीपको टिमले अहिलेसम्म आठ खेल खेल्दा ६ जित निकाल्दा दुई हारको सामना गरेको छ। १२ अंक जोडेको राजशी तालिकाको शीर्ष स्थानमा छ।

नौ खेल खेलिसकेको सिल्हेटन टाइटन्सले अन्तिम खेल खेल्दैछ। नौ खेलमा चार हार र पाँच जित निकाल्दै १० अंक जोडेको सेल्हेटन तालिकाको तेस्रो स्थानमा छ।

चार खेलमा प्लेइङ ११ मा परेका सन्दीप लामिछाने ९६ रन खर्चिएर पाँच विकेट हात पारेका छन्। सन्दीप आजको खेलको प्लेइङ ११ मा पर्ने वा नपर्ने भन्ने निश्चित भइसकेको छैन।