काठमाडौं – नीति तथा कार्यक्रम माथि उठेका प्रश्नको जवाफ दिँदै अर्थमन्त्री डाक्टर स्वर्णम वाग्लेले राष्ट्रिय स्वतन्त्र पार्टी कम्युनिस्ट नभएको बताएका छन् ।

पार्टीको अर्थ राजनीति र भूराजनीतिमाथि शङ्का नगर्न बताउँदै उनले सामाजिक न्याय सहितको उद्धार अर्थतन्त्रमा विश्वास गर्ने बहुलवादी लोकतान्त्रिक पार्टी भएको दाबी गरे ।

‘कम्युनिस्ट होइनौं । नवउदारवादी पनि होइनौँ । किलियर कित्ता छ । राष्ट्रिय स्वतन्त्र पार्टी सबै नेपालीको समतामूलक उन्नतिप्रति कटिबद्ध , सामाजिक न्याय सहितको उद्धार अर्थतन्त्रमा विश्वास गर्ने बहुलवादी लोकतान्त्रिक पार्टी ,हो’ वाग्लेले भने, ‘हामी यसमा स्पष्ट छौँ। सांसदज्यूहरूले हाम्रो पार्टीको नीति सिद्धान्त पढिदिने कष्ट गर्नुहोला । संज्ञा लोकतान्त्रिक गणतन्त्र शासन प्रणाली को सुदृढीकरण सरकारको मार्ग निर्देशन भन्या छ। हामी यही फ्रेमबाट अगाडि जाने हो।’