काठमाडौं – बिक्की अग्रवाल निर्देशक र प्रस्तोता रहेको कमेडी शो ‘कमेडी दरबार’को तेस्रो सिजनको सुटिङ सुरु भएको छ ।

नयाँ वर्षको पहिलो दिन नै तेस्रो सिजनको पहिलो र दोस्रो भागको छायाङ्कन गरिएको हो ।

पहिलो भागको अतिथि बनेर फिल्म ‘मितज्यू’का टोली आएका छन् । दरबारको सेटबाट नायकहरू दयाहाङ राई, सौगात मल्ल र नायिका तेरिया मगरको तस्बिर बाहिरिएको छ ।

दोस्रो भागमा भने फिल्म ‘पहाड’का टोलीहरू रहको निर्माण टिमले बताएको छ ।

यही शुक्रबारबाट प्रसारण सुरू हुने बताइएको छ ।

तेस्रो सिजनको जजमा नायिका दिया मास्के थपिएकी छन् । मनोज गजुरेल र गौरी मल्लले पनि जजमा निरन्तरता पाएका छन् ।

कलाकारहरूमा हिमेश पन्त र उत्सव सापकोटा बाहिरिँदा सन्तोष थापा, सुजन जिम्बा र दिनेश काफ्लेको प्रवेश भएको छ ।

अघिल्ला सिजनका अन्य कलाकारहरू सीडी विजय अधिकारी, विश्वास तिम्सिना (बीटी कान्छा), सुन्दर खनाल, पवित्रा साँकी (मिस पबी), सुजाता श्रेष्ठ, पवन खतिवडा र विकास अर्याल यथावत रहेका छन् ।