काठमाडौँ– नेकपा एमालेका नेता गोकुल बास्कोटा र अर्का नेता शेरबहादुर तामाङबीच आरोपप्रत्यारोप भएको छ ।

नेता बास्कोटाले आज सामाजिक सञ्जाल फेसबुकमार्फत अर्का नेता तामाङ आफूमाथि सार्वजनिक रुपमा जाइलागेको भन्दै आक्रोश व्यक्त गरेहा छन् ।

उनले लेखेका छन्– ‘भन्न मन थिएन तर मेरो मत मैले राखे बापत उनको कोदोवारी फाँडेसरह शेरबहादुर तामाङजी म माथि सार्वजनिक रुपमा जाई लगेछन।’

बास्कोटाले तामाङलाई लक्षित गर्दै आफ्नो र श्रीमतीको लागि गुट बदल्ने मात्र नभइ पटकपटक पार्टी फुटाउनसमेत पछि नपर्ने चरम अवसरवादी पात्र आफू नभएको भन्दै २०३८ सालदेखिको इतिहास पुनरावलोकन गर्न सुझाव समेत दिएका छन् ।

उनले भनेका छन्, म तपाईं जस्तो फगत आफ्नो र श्रीमतीको पद प्राप्तिका लागि गुट बदल्ने मात्र होईन, पटकपटक पार्टी नै फुटाउन समेत पछि नपर्ने चरम अवसरवादी पात्र होइन । २०३८ यताका इतिहस हेरौँ न ।’

यसअघि सिन्धुपाल्चोकका नेता तामाङले आफ्नो भूगोलमा मत जोगाउन नसक्नेहरुले नेतृत्वको राजीनामा माग्नु नैतिकता नहुने भन्ने स्टाटस राखेका थिए ।