काठमाडौं- ११ औँ राष्ट्रिय रक्तदाता दिवसको अवसरमा रक्तदाता संघ नेपाल, ब्लोदानको आह्वान तथा कोटेश्वर सेती ओपी युवा क्लबको आयोजनामा कोटेश्वरस्थित ग्रामर स्कुलमा बृहद रक्तदान कार्यक्रम सम्पन्न भएको छ ।

उक्त कार्यक्रममा एकै परिवारका ४ जनाले रक्तदान गरेका छन् । ब्लोदान पूर्वी भेगीय क्षेत्र कोटेश्वरका अध्यक्ष रवि रिमालले ७५ औँ पटक रक्तदान गरेका छन् । उक्त अवसरमा उनका श्रीमती र दुई छोराहरुले पनि रक्तदान गरेका छन् ।

रक्तदान कार्यक्रममा करिब १०० जना भन्दा बढी स्वयंसेवी रक्तदाताहरुले रक्तदान गरेको सेती ओपी क्लबका अध्यक्ष श्रीकृष्ण तण्डुकारले जानकारी दिए । सो कार्यक्रमको आवश्यक सहयोग भने ग्रामर स्कुलले गरेको थियो ।

कार्यक्रममा ३२ नं वडाका वडा सदस्य हिरादेवी पोखरेलका साथै फागुन २१ गते आयोजना हुने प्रतिनिधिसभा निर्वाचनमा नेकपा (एमाले) का उम्मेदवार मणिराम फुँयालको समेत उपस्थिती रहेको थियो ।