काठमाडौं – नेपाली कांग्रेसको विशेष महाधिवेशन पक्षले केन्द्रीय समिति विघटन भइसकेको र विशेष महाधिवेशन प्रक्रिया अघि बढिरहेको जानकारी निर्वाचन आयोगलाई दिइसकेको जनाएको छ। 

पार्टीका महामन्त्री गगन थापाले विशेष महाधिवेशनलाई सम्बोधन गर्दै उक्त जानकारी दिएका हुन्।

महामन्त्री थापाले पूर्णबहादुर खड्का पक्षले अघि सारेको केन्द्रीय समिति आधिकारिक नभएको दाबी गरे। उनले आफूले संविधान, निर्वाचन आयोग र अदालतको अभ्यासलाई राम्रोसँग चिनेको उल्लेख गर्दै अहिले सञ्चालनमा रहेको विशेष महाधिवेशन नै आधिकारिक भएको बताए।

उनले विशेष महाधिवेशनमार्फत पार्टी निर्माणको प्रक्रिया अगाडि बढाइने स्पष्ट पारे। साथै, विधान र संस्थागत प्रक्रियाको पालना गर्दै कांग्रेसलाई पुनर्संगठित गर्ने लक्ष्य रहेको पनि उनको भनाइ थियो।