काठमाडौं– नेपाली कांग्रेसको विशेष महाधिवेशन चलिरहँदा संस्थापन पक्षले सानेपामा केन्द्रीय कार्यसमिति बैठक बोलाएको छ। 

सभापति शेरबहादुर देउवा र महामन्त्रीद्वय गगन थापा तथा विश्वप्रकाश शर्माबीच सहमति नजुट्दा पार्टीभित्र तनाव बढेको छ ।

यही पृष्ठभूमिमा केन्द्रीय कार्यसमिति बैठकमा भाग लिन सानेपा पुगेका नेता डा. शेखर कोइरालालाई पत्रकारले पार्टी फुटको जोखिमबारे प्रश्न गरे । 

जवाफमा कोइरालाले पार्टी नफुट्ने दाबी गरे । उनले भने, ‘फुट्दैन, फुट्दैन। मिलाउन सक्छौँ । पार्टी कहाँ यसै फुट्छ ।’

नेतृत्व तहमा देखिएको मतभेदबीच पनि कोइरालाको अभिव्यक्तिले कांग्रेसभित्र अझै संवाद र सहमतिको सम्भावना बाँकी रहेको संकेत गरेको छ । तर यही बैठकले महामन्त्रीद्वयसहितलाई कारबाही गर्ने सम्भावना छ ।