काठमाडौँ– यूईएफए च्याम्पियन्स लिग फुटबलमा आर्सनलले सहज जित निकालेको छ । आज (बुधबार) बिहान सम्पन्न खेलमा लिललाई ३–० गोलले हराउँदै आर्सनल विजयी भएको हो ।
आर्सनलका लागि जुनियन टिम्बर, एबेरेची एजे र बुकायो साकाले एक–एक गोल गरेका थिए ।
पहिलो हाफ गोलरहित सकिएको खेलमा दोस्रो हाफको ६४औँ मिनेटमा टिम्बरले आर्सनलका लागि सुरुवाती गोल गरेका थिए ।
त्यसपछि ६७ औँ मिनेटमा एबेरेजीले गोल गर्दै अग्रतालाई दोब्बर बनाए । यस्तै, ७१औँ मिनेटमा साकाले गरेको गोलसँगै आर्सनल ३–० गोलले विजयी भयो ।
यो जितसँगै आर्सनल २ खेलबाट ६ अंकका साथ तालिकाको तेस्रो स्थानमा रहेको छ । पराजित भएको लिल समान खेलबाट अंक विहीन हुँदै ३२औँ स्थानमा छ ।
प्रतिक्रिया