काठमाडौं – इन्डियन प्रिमियर लिग (आईपीएल)मा कोलकाता नाइट राइडर्सले रोयल च्यालेन्जर्स बेंगलुरुलाई १९३ रनको लक्ष्य दिएको छ ।

रायपुरस्थित शहीद वीर नारायण सिंह स्टेडियममा टस जितेर पहिले बलिङ रोजेको बेंगलुरुले कोलकातालाई ब्याटिङको निम्तो दिएको थियो ।

पहिले ब्याटिङ गरेको कोलकाताले २० ओभरमा ४ विकेट गुमाउँदै १९२ रन बनायो । कोलकाताका लागि अंगकृष रघुवंशीले उत्कृष्ट प्रदर्शन गर्दै ४६ बलमा ७१ रन बनाए । उनको इनिङ्समा ७ चौका र ३ छक्का समावेश थिए ।

अन्त्यतिर रिंकु सिंहले आक्रामक ब्याटिङ गर्दै २९ बलमा अविजित ४९ रनको महत्वपूर्ण योगदान दिए । इनिङ्सको सुरुवातमा फिन एलेनले ८ बलमा १८ रनको तेज पारी खेले भने कप्तान अजिंक्य रहाणेले १३ बलमा १९ रन जोडे । क्यामरन ग्रीनले पनि २४ बलमा ३२ रनको योगदान दिए ।

बेंगलुरुका बलर भुवनेश्वर कुमार, जोश हेजलवुड र रसिख सलाम डारले १–१ विकेट लिए ।