काठमाडौं- श्रम संस्कृति पार्टीका अध्यक्ष हर्क साम्पाङले संसद्लाई औपचारिकतामा मात्रै सीमित गर्न खोजेपछि आफूहरूले विरोध जनाएको बताएका छन् ।
बुधबार प्रतिनिधिसभा बैठक बहिष्कार गरेर बाहिरिएपछि सञ्चारकर्मीमाझ अध्यक्ष साम्पाङले संसद् मनखुशी चलाइरहेको र औपचारिकतामा मात्रै सीमित गर्न खोजेपछि आफूहरूले विरोध जनाएको बताएका हुन् ।
आफूहरूसँग जनताका प्रश्न रहेकाले देशको प्रधानमन्त्रीले त्यसको जवाफ दिनुपर्ने उनले बताए ।
नीति तथा कार्यक्रमको अध्ययनका लागि पनि प्रयाप्त समय नछुट्याएको भन्दै उनले जबरजस्ती संसद्लाई अघि बढाउन खोजको आरोप लगाएका छन् ।
उनले सरकारको क्रियाकपाललाई अब जनताले मूल्याङ्कन गर्नेसमेत बताएका छन् ।
प्रतिक्रिया