काठमाडौँ – पिएम कप क्रिकेटमा त्रिभुवन आर्मी क्लबका विनोद भण्डारीले शतक प्रहार गरेका छन् । सोमबार कोशी प्रदेशविरुद्ध उनले ९१ बलमा १५ चौका एक छक्काको मद्दतमा शतक बनाएका हुन् ।
अहिले ३४ ओभरको समाप्तिमा दुई विकेटको क्षतिमा २४४ रन बनाएर आर्मीले ब्याटिङ गरिराखेको छ । भण्डारी १२२ रन बनाएर खेलिरहेका छन् भने बसिर अहमेद तीन बलमा १ रन बनाएर क्रिजमा छन् ।
आर्मीका लागि भीम सार्कीले ८० रन बनाउँदा तीर्थराथ दासले ३३ रन थपेका छन् ।
पिएम कपको यो सिजनमा भण्डारीले यो दोस्रो शतक प्रहार गरेका हुन् । यो सिजनमा भण्डारीसँगै आशिफ शेख, अर्जुन कुमाललेसमेत दुईदुई शतक प्रहार गरेका छन् ।
प्रतिक्रिया