काठमाडौं- हालै सम्पन्न प्रतिनिधिसभा निर्वाचनअन्तर्गत धनुषा-१ मा प्रत्यक्षतर्फ सबैभन्दा धेरै मत ल्याएका राष्ट्रिय स्वतन्त्र पार्टीका उमामेदवार किशोरी साहले दर्ता गरेको रिटमा सुनुवाई सकिएको छ ।
रिटमा अन्तरिम आदेश दिने वा नदिनेबारे सर्वोच्च अदालतका न्यायाधीश सारंगा सुवेदी र टेकप्रसाद ढुङ्गानाको संयुक्त इजलासमा सुनुवाई सकिएको हो ।
निर्वाचन आयोगले उम्मेदवारी खारेज गरेपछि उनी सर्वोच्च पुगेका थिए । उम्मेदवारी खारेज गर्ने निर्वाचन आयोगको निर्णयविरुद्ध साहले फागुन १९ गते सर्वोच्चमा रिट निवेदन दायर गरेका थिए ।
यसअघि फागुन २५ गते न्यायाधीश नृपध्वज निरौलाको इजलासले सो मुद्दामा कारण देखाऊ आदेश जारी गरेको थियो ।
प्रतिक्रिया