काठमाडौं – कलाकार जितु नेपालले निर्माण घोषणा गरेको फिल्म ‘आई एम जितबहादुर’मा दुई नायिका वर्षा राउत र प्रियंका कार्कीको प्रवेश भएको छ ।

यी दुई नायिका र निर्माण पक्षबीच कागजी सम्झौता भएको जितुले सामाजिक सञ्जालबाट जनाकारी दिएका छन् ।

जितुले लेखेका छन्, ‘आफ्नो व्यस्त समयका बाबजुद पनि मेरो अनुरोधलाई स्वीकार गरी सहयोग गर्नु भएकामा मनदेखि नै आभारी छु ।’

जितु आफ्नै लगानी रहने यो फिल्म उनले भारतीय निर्देशक सुवेन्दु घोषसँग मिलेर बनाउन लागेका हुन् । नायक जितु आफैँ हुन् ।

माघको पहिलो साताबाट छायाङ्कनमा निस्कने तयारीमा जितुको टिम रहेको छ ।

वर्षा र प्रियंकाले जितुले फिल्म ‘छक्का पञ्जा २’ सहकार्य गरेका थिए । प्रियंकासँग जितुले फिल्महरु ‘वडा नम्बर ६’ र ‘छक्का पञ्जा’मा समेत सहकार्य गरेका छन् ।