काठमाडौँ – नेपाली कांग्रेसको १५ औँ महाधिवेशनअन्तर्गत केन्द्रीय सहमहामन्त्री (महिला) पदमा प्रतिमा गौतम निर्वाचित भएकी छिन् ।
महिलातर्फको एक सहमहामन्त्री पदका लागि भएको निर्वाचनमा गौतमले पाँच हजार ११६ मत प्राप्त गर्दै विजयी भएकी हुन् । उनकी प्रतिस्पर्धी नानू बास्तोलाले एक हजार ५५४ मत प्राप्त गरिन् ।
गौतमले बास्तोलालाई तीन हजार ५६२ मतको फराकिलो अन्तरले पराजित गरेकी हुन् ।
नेपाली कांग्रेसको १५औँ महाधिवेशनमा नयाँ नेतृत्व चयनका लागि विभिन्न पदमा निर्वाचन भएको हो । महाधिवेशनअन्तर्गत केन्द्रीय पदाधिकारी तथा सदस्यहरूको मतगणना जारी रहँदा विभिन्न पदको परिणाम सार्वजनिक भइरहेको छ।
प्रतिक्रिया