गोरखा– काठमाडौंबाट विभिन्न स्थानबाट गृह जिल्ला फर्किंदै गरेका सर्वसाधारणहरू सडक अवरुद्ध भएपछि गोरखाको आरुघाटमा अलपत्र परेका छन् ।
उनीहरू हेलिकप्टरमार्फत आफ्नो गाउँ जान पाइने आसमा आरुघाटको घरिलचौरमा बसिरहेका छन् ।
आरुघाट गाउँपालिका वडा नम्बर ३, छेपारे भन्ने स्थानबाट अगाडिको सडक सञ्जाल पूर्ण रूपमा बन्द भएका कारण यातायातका साधनहरू सञ्चालन हुन सकेका छैनन् ।
बाटो अवरुद्ध भई गाडीहरू चल्न नसकेपछि यस क्षेत्रमा रोकिएका यात्रुहरू हेलिकप्टरले घर पुर्याइदिने अपेक्षासहित घरिलचौरमा बसिरहेका भए पनि हालसम्म हेलिकप्टरले कुनै पनि व्यक्तिलाई लगेको छैन् ।
नेपाली सेनाले भने राहात सामग्री लैजाने र बाढी फसेकालाई उद्धार गर्ने कार्य गरिरहेको छ ।
तस्बिर : साइराम उपरकोटी / नेपाल फोटो लाइब्रेरी
प्रतिक्रिया