काठमाडौँ– नेपाली कांग्रेसको १५औँ महाधिवेशन अन्तर्गत सहमहामन्त्री (खुला २) पदका लागि भएको निर्वाचनको मतगणना जारी रहेको छ ।

कांग्रेस केन्द्रीय कार्यालय सानेपामा भइरहेको गणनामा हालसम्म ५ हजार ८९ मत गनिसकिएको छ । जसमा सहमहामन्त्रीका उम्मेदवार रामहरि खतिवडाले सबैभन्दा बढी मत प्राप्त गरेका छन् । प्राप्त पछिल्लो विवरण अनुसार खतिवडाले २ हजार १७८ मत पाएका छन् ।

दोस्रो स्थानमा रहेका अजयबाबु सिवाकोटीले १ हजार ५५६ मत प्राप्त गरेका छन् । यस्तै अन्य उम्मेदवारहरुमा डिल्लिराम सुवेदीले १ हजार २९४, देवेन्द्र राज कँडेलले १ हजार १२, राजिव ढुंगानाले ९०१, विकास कोइरालाले ८१५, अमृत कुमार अर्यालले ६६६, रमेश प्रसाद धमलाले ५८० र विमलराज क्षेत्रीले १९६ मत प्राप्त गरेका छन् ।