प्यूठानका छुट्टाछुट्टै खोला किनारमा भेटियो ५ जनाको शव

२८ श्रावण २०८३, बिहिबार

पढ्न लाग्ने समय : < 1 मिनेट

काठमाडौं– प्यूठानका विभिन्न खोला किनारमा बिहीबार बिहान पाँच जनाको शव फेला परेको छ ।

स्वर्गद्वारी नगरपालिका–९, ३, ४ र ५ तथा माण्डवी गाउँपालिका–५ का खोला किनारमा शव भेटिएका हुन्।

फेला परेका शवमध्ये दुईजना पुरुष, दुई जना महिला र एक जना करिब १३ वर्षीय बालकको रहेको प्रहरीले जनाएको छ ।

मृतक पाँचै जनाको सनाखत हुन सकेको छैन ।

प्रहरीका अनुसार रोल्पाको थवाङमा गएको पहिरोपछि आएको बाढीले बगाएर ल्याएका हुन सक्ने आशंका गरिएको छ।

घटनाबारे थप अनुसन्धान भइरहेको छ।

प्रकाशित मिति : २८ श्रावण २०८३, बिहिबार १ : ५१ बजे

प्रतिक्रिया