काठमाडौं- श्रम संस्कृति पार्टीका अध्यक्ष हर्क साम्पाङले नीति तथा कार्यक्रम बनाउँदा आफूहरुसँग सल्लाह नगरेको बताएका छन् । मंगलबार प्रतिनिधिसभा बैठकलाई सम्बोधन गर्दै सांसद साम्पाङले सरकारले नीति तथा कार्यक्रम बनाउँदा आफूहरूसँग सल्लाह नगरेको बताएका हुन् ।

उनले सरकारले हतार हतारमा नीति तथा कार्यक्रम ल्याएको तर प्रतिपक्षी कसैसँग पनि सल्लाह नगरेकाले हतारमा हिँडेर कहीँ पनि नपुगिने टिप्पणी गरे ।

“नीति तथा कार्यक्रममा सल्लाह गरिएन हतारमा दौडिएर काहीँ पनि पुगिँदैन । हतारमा परीक्षा लेख्दा ह्यान्डराइटिङ राम्रो हुन्छ समयमै पूरा गर्न सकिँदैन हो त्यस्तै काम हुन्छ,” साम्पाङले प्रतिनिधिसभामा भने, “सुकुम्बासी बस्ती हटाउँदा समाजिक प्रतिष्ठाको विषय किन ख्याल गरिएन । सबै नियम ठिक थियो भने व्यवस्था परिवर्तन हुँदैन थियो । त्यही ठिक नभएर हामी यहाँ आएको हो ।”