काठमाडौं– राष्ट्रिय स्वतन्त्र पार्टी (रास्वपा) का संसदीय दलका उपनेता गणेश पराजुलीले सरकारले ल्याएको अध्यादेश जनतालाई न्याय दिने उद्देश्यले आएको बताएका छन्।

सदनमा बोल्दै उनले नवपुस्ताको नियतमाथि शंका नगर्न आग्रह गरे। ‘यो पुस्ताको नियतमाथि शंका नगर्नुस्। हामी राष्ट्र निर्माण गर्न आएका हौं,’ उनले भने।

पराजुलीका अनुसार पछिल्लो समय न्यायालयलाई दलीय प्रभावबाट दूषित बनाउने परम्परा रहेको र त्यसलाई तोड्ने प्रयास गरिएको छ।

 ‘न्यायालयमा दलको कोटाबाट नियुक्ति हुने अभ्यास थियो, त्यसलाई हामीले तोडेका छौं। दलीयकरण अन्त्य गरेका छौं,’ उनले दाबी गरे।

उनले विगतका ३५ देखि ४० वर्षसम्म पुराना राजनीतिक दलहरूले जनतालाई झुक्याएको आरोप पनि लगाए। सुकुम्बासी समस्या र सहकारी पीडितको विषय उठाउँदै उनले सरकारको कदम जनपक्षीय रहेको बताए।

‘भूमि तथा सुकुम्बासीलाई न्याय दिन, सहकारी पीडितलाई पैसा फिर्ता दिलाउन अध्यादेश ल्याइएको हो। यहाँ अन्याय कहाँ भयो रु दल फुटाउन त अध्यादेश ल्याइएको होइन नि,’ उनले भने।