काठमाडौं- पूर्वप्रधानमन्त्री तथा नेपाली कम्युनिस्ट पार्टी नेकपाका नेता पुष्पकमल दाहाल प्रचण्डले अहिलेको सांसदलाई इन्द्रेणी संसद् भनेका छन् ।

नयाँ प्रतिनिधि सभाको भवनमा चलिरहेको प्रतिनिधिसभाको बैठकमा बोल्दै उनले लाखौं योगदान र बलिदानबाट प्राप्त भएको उपलब्धिलाई संस्थागत गर्दै संसद भवन बनाइएको दाबी गरे ।

“यो इन्द्रेणी सांसद बनाउन हामीले लाखौं योगदान बलिदान र रगत पसिना बगाएका छौँ । मलाई गर्व लागेको छ। परिणामको हिसाबले सानो ठूलो जोसुकै जे भएपनि उपेक्षित उत्पीडित वर्गको इन्द्रधनुष बनेको सदनमा गौरवपूर्ण भइरहेको छ ।’ उनले भने, ‘अहिलेको सदनमा दलित प्रतिनिधि १७ जना हुनुहुन्छ । ४० सालमा ६ जना महिला हुनुहुन्थ्यो अहिले ९६ जना महिला हुनुहुन्छ । यो प्रतिनिधित्वको कथा रगतले लेखिएको छ । इतिहासको अध्ययन चिन्तन र मनन गर्न म प्रतिनिधिसभा सदस्यहरूलाई अनुरोध गर्छु । यो कथा क्रान्तिले लेखिएको छ पिठुले दुधे बालक र काँधमा बन्दुक बोकेका व्यक्तिहरुले लेखेका छन् ।”

प्रचण्डले आफू जनयुद्ध लडेको विषयमा प्रतिनिधिसभामा सम्झना गर्दै भाषण गरिरहेका छन् ।