काठमाडौं – संघीय मामिला तथा सामान्य प्रशासन तथा भूमि व्यवस्था, सहकारी तथा गरिबी निवारण मन्त्री प्रतिभा रावलको नाममा काठमाडौंको बूढानीलकण्ठमा ७० लाख रुपैयाँ मूल्य बराबरको जग्गा रहेको खुलेको छ ।

आइतबार सार्वजनिक गरिएको विवरण अनुसार बारामा ५० लाख रुपैयाँ मूल्यको अर्को जग्गा पनि रहेको उल्लेख छ। दुवै जग्गा खरिदको स्रोत श्रीमानको आम्दानी भएको उनले खुलाएकी छन्।

चल सम्पत्तितर्फ २५ तोला सुन रहेको विवरणमा उल्लेख छ। सो सुन स्वआर्जन र परिवारबाट प्राप्त उपहारका रूपमा रहेको जनाइएको छ। बैंक मौज्दाततर्फ विभिन्न बैंकमा गरी २४ लाख रुपैयाँभन्दा बढी रकम बचत रहेको छ। उक्त बचत पनि श्रीमानको आयबाट संकलित भएको विवरणमा उल्लेख गरिएको छ।

साथै, एभरेष्ट बैंकबाट २०८२ साल जेठमा २० लाख रुपैयाँ ऋण लिएको विवरणमा देखिन्छ। सवारी साधनतर्फ मन्त्रीसँग ४४ लाख रुपैयाँ मूल्यको गाडी रहेको उल्लेख गरिएको छ।