काठमाडौं– सिजी इलेक्टोनिक्स् अन्तर्गत केन्ट ब्राण्डले विभिन्न किसिमका एयर प्यूरिफायरहरु नेपाली बजारमा ल्याएको घोषणा गरेको छ । आधुनिक प्रविधिसहितको यो एयर प्युरिफायरले घरभित्रको हावालाई शुद्ध, ताजा र सुरक्षित बनाउँदै परिवारको स्वास्थ्य जोगाउन महत्त्वपूर्ण भूमिका खेल्ने कम्पनीले जनाएको छ ।

केन्ट एयर प्युरिफायरले हेपा टेक्नोलोजी प्रयोग गरी हावामा रहेका धुलो, धुवाँ, एलर्जेन, सूक्ष्म कण तथा हानिकारक तत्त्वहरूलाई फिल्टर गरेर स्वच्छ हावा प्रदान गर्ने कम्पनीको दाबी छ ।

कम्पनीका अनुसार यस एयर प्युरिफायरम रियल टाइम एयर प्युरीटी मोनिटर रहेको छ जसले कोठाभित्रको हावाको गुणस्तरलाई निरन्तर निगरानी गर्छ । साथै, एयर  क्वालिटी इन्डक्टरले हावाको अवस्था स्पष्ट देखाउने भएकाले प्रयोगकर्तालाई हावाको स्तर बुझ्न सजिलो हुन्छ ।  

यस उत्पादनमा १२ महिनाको वारेन्टी रहेको कम्पनीले जनाएको छ ।