काठमाडौं– नेपाली कांग्रेसका महामन्त्री गगन थापाले विशेष महाधिवेशन पार्टीको गुटभित्रको किल्ला भत्काउने अभियान भएको बताएका छन् ।

पार्टीको विशेष महाधिवेशनमा मन्तव्य राख्दै महामन्त्री थापाले चालु महाधिवेशनमा कुनै गुट नभएकाले सबैलाई सो महाधिवेशनमा जोडिन आह्वान गर्दै सो बताएका हुन् ।

‘वडामा उम्मेदवारी प्राप्त गर्न पर्यो भनेपनि, सांसदको उम्मेदवारी प्राप्त गर्न पनि नेताको मान्छे हुनुपर्ने अवस्था छ’, उनले भने, ‘भत्काइदिनुस् त्यो डरका किल्लाहरू हामी यहाँ छौँ । यहाँ कुनै गुट छैन । यो कांग्रेसभित्र गुटको किल्ला भत्काउने अभियान पनि हो ।’

एसले देशैभरीबाट नेता तथा कार्यकर्ताहरूले सम्पर्क गरिराखेको तर, उनीहरू जिल्लाको नेताहरूसँग डराएको पनि बताए ।