काठमाडौँ– नेपाली कांग्रेसको १५ औँ महाधिवेशन अन्तर्गत सहमहामन्त्री खुलामा रामहरि खतिवडा र अजयबाबु शिवाकोटीको अग्रता कायमै रहेको छ । 

खुलामा नौ जनाबीच प्रतिस्पर्धा भइरहँदा दुई जना निर्वाचित हुनेछन् । जसमा रामहरि खतिवडा र अजयबाबु शिवाकोटीको अग्रता कायमै रहेको हो । 

२७८९ मत गणना गर्दा खतिवडाले एक हजार २४२ मत पाएका छन् भने दोस्रो स्थानका शिवाकोटीले ८९७ मत ल्याएका छन् । 

तेस्रो स्थानका डिल्लीराम सुवेदीले ६९० मत ल्याएका छन् । चौथो स्थानका देवेन्द्रराज कँडेलले ५९० मत ल्याएका छन् ।

पाँचौँ स्थानका विकास कोइरालाले ४५५ मत पाएका छन् । छैटौँ स्थानका राजीव ढुंगानाले ४१९मत पाएका छन् । 

सातौँ स्थानका रमेशप्रसाद धमलाले २८२ मत पाएका छन् । आठौँ स्थानका अमृतकुमार अर्यालले २५७ मत पाएका छन् । पुछारमा रहेका विमलराज क्षेत्रीले ९३ मत पाएका छन् ।