काठमाडौं – अर्जेन्टिनाका स्टार फुटबलर लियोनल मेसी बुवा जोर्गे मेसीको निधनपछि भावुक बनेका छन् । ६८ वर्षको उमेरमा जोर्गे मेसीको निधन भएपछि मेसीले बुधबार सामाजिक सञ्जालमा भावुक सन्देशसहितको पोस्ट लेखेका छन् ।

मेसीले सामाजिक सञ्जाल इन्स्टाग्राममा बुवासँगको तस्बिर सार्वजनिक गर्दै छोटो तर भावुक सन्देश लेखेका छन्, ‘ते आमो, पा’ अर्थात् ‘म तपाईंलाई माया गर्छु, बुवा।’

मेसीका बुवा जोर्गे उनका लामो समयदेखिका एजेन्टसमेत थिए । मेसीले आफ्नो फुटबल करियरमा बुवाको महत्वपूर्ण साथ र मार्गदर्शन पाएका थिए ।

मेसीको भावुक पोस्टमा उनका पुराना प्रतिद्वन्द्वी तथा पोर्चुगलका स्टार क्रिस्टियानो रोनाल्डोले पनि सान्त्वना व्यक्त गरेका छन्। रोनाल्डोले मेसी र उनको परिवारप्रति सहानुभूति जनाउँदै कठिन समयमा आफू र परिवार बलियो रहन आग्रह गरेका छन्।

मेसीको पोस्टमा बार्सिलोनाले पनि ‘धेरै शक्ति, लियो’ भन्दै समवेदना व्यक्त गरेको छ। स्पेनिस ला लिगाले समेत मेसी र उनको परिवारप्रति गहिरो समवेदना प्रकट गरेको छ ।

बुवाको निधनपछि मेसीले आफ्नो भविष्यबारे समेत अन्योल व्यक्त गरेका छन् । उनले आगामी दिनमा आफूले फुटबललाई निरन्तरता दिने वा नदिने विषयमा निश्चित हुन नसकेको बताएका छन् ।