एजेन्सी– दक्षिणी रूसमा भएको युक्रेनी ड्रोन आक्रमणमा एक जना आठ वर्षीय बालकसहित दुई जनाको मृत्यु भएको क्षेत्रीय गभर्नर भेन्यामिन कोन्ड्रातयेभले बुधबार बताएका छन् ।

यसै गरी दक्षिणी युक्रेनको अग्रणी सहर खेरसनमा भएको रूसी आक्रमणमा दुई जनाको मृत्यु भएको जनाइएको छ । युक्रेनले पछिल्लो समयमा प्रभावित युक्रेनी सहरहरूमा मानिसहरूलाई सुरक्षित आश्रयमा राख्न  आदेश दिँदै देशभरका नागरिकहरूलाई मार्न बाध्य पार्ने मस्कोको चर्को आक्रमणको उचित प्रतिशोधको रूपमा रूसमाथि आफ्नो आक्रमण बढाएको जनाएको छ ।

रूसको पर्यटकीय क्षेत्र क्रास्नोडारमा ‘सयौं’ युक्रेनी ड्रोनको ब्यारेज प्रहार गरिएको क्षेत्रीय गभर्नर कोन्ड्रातयेभले बताएका छन् । नोवोरोसिस्कमा एक जना आठ वर्षीय बालकको मृत्यु भएको पुष्टि गर्दै उहाँले आठ जना घाइतेहरूलाई अस्पतालमा भर्ना गरिएको बताए । 

ड्रोन आक्रमणले बन्दरगाह सहरका २१ भवनहरूमा क्षति  पुगेको जनाउँदै उनले सामाजिक सञ्जालमा प्रसारित तस्बिरहरूले भवन तथा कारहरू जलेको देखाएको बर्ता  । 

भोल्ना गाउँको एक निजी घरको बगैँचामा ड्रोनको भग्नावशेष खस्दा अर्का व्यक्तिको मृत्यु भएको जनाइएको छ । कालो सागरको तटमा रहेको रिसोर्ट सहर जेलेन्डजिकमा पनि युक्रेनी आक्रमणका कारण दुई जना घाइते भएको जनाइएको छ ।

आफ्नो क्षेत्र र कालो सागरमा रातारात ५०२ युक्रेनी ड्रोनहरू खसालेको रूसी रक्षा मन्त्रालयले  विज्ञप्ति मार्फत जनाएको छ । यसैबिच युक्रेनको वायु सेनाले मस्कोले मिसाइल र १३८ ड्रोनले आक्रमण गरेको रिपोर्ट गरेको छ । 

दक्षिणी युक्रेनको अग्रडी सहर खेरसनमा भएको रूसी ड्रोनले आक्रमणले दुई जनाको ज्यान लिएको सहर प्रमुखले बताए।