काठमाडौं– फुटबलको महाकुम्भ फिफा वर्ल्डकप २०२६ आज जुन ११ देखि सुरु हुँदैछ । अबका केही साता विश्व फुटबल इतिहासकै सबैभन्दा रोमाञ्चक बन्नेछन् । विश्वका फुटबल प्रेमीलाई चासो छ- जुलाई १९ को रात न्यु जर्सीस्थित मेटलाइफ स्टेडियमममा विश्वकपको ट्रफी कसले उचाल्ला  ?

यसपटकको विश्वकप तीन देशमा आयोजना हुँदैछ र ३९ दिन चल्नेछ। ४८राष्ट्र सहभागी छन्, १०४ खेल हुनेछन् ।

विश्वकप सात समुद्रपारि हुने भए पनि नेपालमा समेत यसको ठूलै क्रेज छ । नेपालीहरूलाई विश्वकप राम्रैसँग लागिसकेको छ। यसको संकेत बजारले पनि गर्छ । पसलहरूमा विभिन्न देशको जर्सी किन्नेहरू बाक्लै देखिन्छन् । 

फुटबल समर्थकहरू आफ्नो मन पर्ने टोली र खेलाडीको जर्सी लगाएर सोसल मिडियामा फोटो पनि हालिरहेका छन् । बजारमा विभिन्न क्वालिटी र मूल्यका जर्सी पाइन्छन् । तीन-चार सयदेखि तीन-चार हजार रुपैयाँसम्मका जर्सी बजारमा पाइन्छन् । 

तस्बिरहरू : नेपाल फोटो लाइब्रेरी