इस्लामाबाद–  पाकिस्तान र इरान र संयुक्त राज्य अमेरिका बीच बढ्दो सैन्य तनावबीच मध्यस्थता प्रयासलाई निरन्तर अघि बढाइरहेको जनाएको छ ।

पाकिस्तानी विदेश मन्त्रालयका प्रवक्ता ताहिर अन्द्राबीले पत्रकारहरूसँग कुरा गर्दै हालको परिस्थितिले आशावादी हुन कठिन बनाए पनि शान्ति स्थापनाका लागि कूटनीतिक प्रयास जारी रहेको बताए। उनले ‘पाकिस्तानको मध्यस्थता प्रयास जारी छ र यसलाई कमजोर ठान्नु हुँदैन’ भन्दै वार्तामार्फत समाधान नै एकमात्र विकल्प भएको उल्लेख गरे।

प्रवक्ताका अनुसार इस्लामाबादले सबै पक्षलाई संवादमा फर्किन आग्रह गर्दै क्षेत्रीय शान्ति र स्थायित्वका लागि कूटनीतिलाई नै मूल मार्गका रूपमा अघि सारेको छ ।

यसैबीच, हालैको सैन्य घटनाक्रममा अमेरिका र इरानबीच हवाई आक्रमण र प्रतिआक्रमण भएको खबरपछि मध्यपूर्वमा तनाव झनै बढेको छ । अमेरिकी पक्षले इरानसँगको वार्ता प्रक्रिया अवरुद्ध भएको आरोपसमेत लगाएको छ ।

यसै सन्दर्भमा पाकिस्तानका गृहमन्त्री हालै इस्लामाबाद फर्किएर इरानी नेतृत्वलाई प्रधानमन्त्रीको सन्देश तथा पत्र हस्तान्तरण गरेको पुष्टि गरिएको छ, जसलाई पाकिस्तानको मध्यस्थता प्रयासको हिस्सा मानिएको छ ।

पाकिस्तानले आफूलाई निष्पक्ष संवादकर्ताका रूपमा प्रस्तुत गर्दै क्षेत्रीय युद्ध विस्तार रोक्न कूटनीतिक पहललाई निरन्तर अघि बढाउने संकेत दिएको छ ।